Lijneya Giştî ya KNK’ê bi eleqeyek mezin destpê kir

25.05.2013 – Perwer YAŞ – Bruksel ANF 13’mîn Lijneya Giştî ya Kongreya Netewî ya Kurdistanê (KNK) li paytextê Belçîka Brukselê destpêkir.

Civîna ku dê du rojan dom bike, di vekirina civînê de li gel endamên KNK’ê ji çar parçeyên Kurdistanê gelek serokên partiyan û nûner tevlî bûn. Di Lijneya Giştî de nûnerên hikumeta Başûrê Kurdistanê jî amade bûn.

13’mîn Lijneya Giştî ya Kongreya Netewî ya Kurdistnaê (KNK) li Brukselê destpê kir. Civîna ku axaftina vekirinê Endama Konseya Rêveber ya KNK’ê Rojan Hazim kir, ji çar parçeyên Kurdistanê serok û nûnerên partiyan her wiha nêzî du sedî delege û mêvan tevlî civînê bûn. Di nava beşdarvana de nûnerek yê Serokê Herêma Kurdistanê Mesûd Barzanî û heyetekî asta jor ya YNK’ê tevlî bûn.

Navê hinek kesên ku tevlî Lijneya Giştî bûne wiha ne: Nûnerê Serokê Herêma Federal ya Kurdistanê Mesûd Barzanî Hêmin Hewramî, endamê polîtburoya YNK’ê Mele Bextiyar, Serokê Kongra Gel Remzî Kartal, Nûnerê Hikumeta Federal ya Kurdistanê Delawer Akreyî, Parlementerê BDP’ê Halîl Aksoy, Seroka Yeketiya Parlementerên Herêma Federal ya Kurdistanê Nîmet Abdullah, Serokê PJAK’ê Hecî Ehmedî, Hevserokê PYD’e Salih Muslim, nûnerê Goran Kawa Hesen, Nûnerê Partiya Komunîst ya Başûrê Kurdistanê Îbrahîm Sofî, Serokê Partiya Sosyalîst Demokrat ya Kurdistanê Heme Haci Mehmûd, Serokê Partiya Zehmetkêşanî Kurdistan Belên Mehmûd, Serokê Hizbî Ayînde Qadir Ezîz, Serokê Partiya Îslamî ya Kurdistanê Hikmet Serbilind, Serokê Partiya Rizgarî ya Kurdistanê Rêkar Ehmed, Nûnerê PDK-Bakûr Bayram Ayaz, Nûnerê Partiya Pêşveroya Demokratîk ya Sûriyeyê Birûsk Necar, Nûnerê Partiya Komunîst ya Bakûrê Kurdistanê Hesen Ozgur, Nûnerê Partiya Yekgirtûyî Îslamî Sertîp Şerefyanî, Nûnerê Komela Îslamî ya Kurdistanê Ebdulsetar Mecîd, Serokê Partiya Guhertinê Demokratîk ya Mezopotamyayê Yaşar Kuçukaslan, Nûnerê PÇDK’ê Hesen Cûdî, nûnerê Komelî Zehmetkêşanî Kurdistan Riza Kebî, nûnerê Partiya Demokratîk ya Kurdên li Sûriyeyê Mehmûd Dawûd, Serokê Partiya Demokrat ya Kurdistanê li Sûriyeyê Dr. Tewfîq Hemdûş, nûnerê PÇDK-S ya Rojavayê Kurdistanê Salar Şêxan, nûnerên Partiya Komunîst ya Kurdistanê li Sûriyeyê, nûnerê Partiya Çepên Demokrat ya Kurdên li Sûriyeyê Dr. Nûrî Kano, nûnerê Partiya Keskan ya Kurdistanê Hindien Eşref Nûman, nûnerê Rêxistina Demokratîk ya Yaresa Navxwaz Nazerî, nûnerê YNDK ya Başûrê Kurdistanê Şêrzad Elî, nûnerê otonomiya Kurdên li Sûriyeyê Cemal Şemoyan û Kemal Mirawedelî.

Di Lijneya Giştî ya KNK’ê ku dê heta sibe berdewam bike de, ji endamên KNK’ê yê herî bi temen Mele Mihemed Ciwanroyî û ji endamên herî ciwan Ulkem Zeriyam û Ferhat Patiyev di dîwanê de cihê xwe girtin. Di lijneyê de peyamên nûnerên partiyan şandî tên xwendin